Cristiano Ronaldo រកបាន១៦២លានអឺរ៉ូ ពីកុងត្រាជាមួយក្រុមហ៊ុន Nike ក្នុងរយៈពេល១០ឆ្នាំមកនេះ។កុងត្រាចុងក្រោយរបស់ Ronaldo ដែលធ្វើឡើងជាមួយក្រុមហ៊ុនយក្សរបស់អាមេរិកនេះ ធ្វើឡើងនៅឆ្នាំ២០១៦កន្លងទៅ ដោយក្នុងនោះខ្សែប្រយុទ្ធរូបនេះនឹងរកបាន១៦,២លានអឺរ៉ូក្នុង១ឆ្នាំ។ ជាមួយកុងត្រានេះ Ronaldo នឹងទទួលបានតម្លៃប្រាក់បន្ថែមទៀត ប្រសិនណាបើរូបគេបានឈ្នះពានរង្វាន់កីឡាករល្អ ឬ Ballon d’Or ។ ដោយគិតត្រឹមវ័យ៣៤ឆ្នាំនេះ កំណត់ត្រារបស់កីឡាករព័រទុយហ្គាល់រូបនេះ នៅតែធ្វើបានល្អដដែល ឱ្យពានរង្វាន់កីឡាករឆ្នើមៗសុទ្ធតែមានឈ្មោះគេជានិច្ច។
Ronaldo នៅតែជាប់ឈ្មោះជាកីឡាកររកចំណូលបានច្រើនសឹងតែរាល់ឆ្នាំដដែល ដោយសារតែរូបគេមានក្រុមហ៊ុនដៃគូច្រើន ហើយមានសណ្ឋាគារ កន្លែងកម្សាន្ត និងកន្លែងហាត់ប្រាណជាច្រើនទៀត លើតម្លៃពលកម្មរបស់ខ្លួនរកបានជាកីឡាករ៕
ប្រភព៖ Marca