Zidane បានដាក់គោលដៅរួចជាស្រេចសម្រាប់កីឡាករដែលត្រូវទិញនៅរដូវកាលក្រោយនេះ គឺ Mbappe ខ្សែប្រយុទ្ធរបស់ក្រុម PSG ។ក្រុម Real Madrid បានបរាជ័យក្នុងការទិញយក Pogba និង Neymar រួចមកហើយ សម្រាប់រដូវកាលដោះដូរកីឡាករកន្លងទៅនេះ។ ដូច្នេះលោក Zidane ទទួលបានមេរៀននេះ ត្រូវរៀបចំឱ្យបានត្រឹមត្រូវសម្រាប់រដូវកាលដោះដូរថ្មីខាងមុខ ធ្វើយ៉ាងណាធានាបានថានឹងមិនភ្លាត់ដូចលើកមុនទៀតនោះទេ។
អ្នកចាត់ការបារាំងបានបញ្ជាក់ប្រាប់ទៅថ្នាក់ដឹកនាំក្លឹបថា លោកត្រូវតែទិញយក Mbappe មករួមក្រុមឱ្យបាន។ កីឡាករវ័យក្មេងនេះ ពិតជាមានសមត្ថភាពគ្រប់គ្រាន់ និងត្រូវសម្រាប់ក្រុម Real Madrid មកពង្រឹងក្រុមដើម្បីស្វែងរកគ្រាប់បាល់ខ្លាំងណាស់។ រដូវកាលមុន ខ្សែប្រយុទ្ធបារាំងរកបាន៣៩គ្រាប់ និងបញ្ជូនបាល់ឱ្យមិត្តរួមក្រុម១៧គ្រាប់៕
ប្រភព៖ DailyMail
