ប្រកប​អាជីព ២២ ឆ្នាំ​ទី​បំផុត​អតីត​កីឡាករ Barca ​ប្រកាស​ព្យួរ​ស្បែក​ជើង​ហើយ

ក្រោយ​ពី​ចាយ​ពេល​អស់ ២២ ឆ្នាំ​ជាមួយ​នឹង​អាជីព​ជា​កីឡាករ​បាល់ទាត់ ទី​បំផុត​អតីត​ជើង​ចាស់​នៅ​ក្លឹប FC Barcelona គឺ Samuel Eto’o ​បាន​សម្រេច​ព្យួរ​ស្បែក​ជើង​ចូល​និវត្តន៍​ជា​ផ្លូវការ​ហើយ។

បុរស​វ័យ ៣៨ ឆ្នាំ​ដែល​ធ្លាប់​ជួយ​ឲ្យ​ក្លឹប​អេស្ប៉ាញ​ឈ្នះ​ពាន​រង្វាន់ LaLiga ៣ សម័យ​កាល​និង Champions League ២ សម័យ​កាល​អំឡុង​ពេល​លេង​នៅ​ទឹក​ដី Camp Nou ​ក៏​បាន​ផ្លាស់​ទៅ​ចូលរួម​នៅ Inter Milan នា​ឆ្នាំ ២០០៩ ​ដែល​គ្រា​នោះ​ស្ថិត​ក្រោម​ការ​ដឹកនាំ​ដោយ​លោក Jose Mourinho។

នៅ​លើ​សារ​ក្នុង​គណនី​ Instagram កាល​ពី​យប់​ថ្ងៃ​សុក្រ Eto’o បាន​សរសេរ​ថា៖ “ដល់​ទី​បញ្ចប់​ហើយ យើង​កំពុង​ឆ្ពោះ​រក​ការ​ប្រកួត​ប្រជែង​ថ្មី អរគុណ​អ្នក​ទាំង​អស់​គ្នា​សម្រាប់​ការ​ស្រលាញ់​ដ៏​ធំធេង”។

បញ្ជាក់​ថា​នេះ​រាប់​ទាំង​ការ​ចូល​និវត្តន៍​ជាមួយ​ក្លឹប​និង​ជម្រើស​ជាតិ​កាមេរ៉ូន​ដោយ​លោក​ធ្លាប់​ឈ្នះ​ពាន​រង្វាន់​កីឡាករ​ល្អ​បំផុត​ប្រចាំ​ទ្វីប​អាហ្វ្រិក​ចំនួន ៤ លើក​ផង​ដែរ។ ប្រភព៖ Mirror

ភ្ជាប់ទំនាក់ទំនងជាមួយ CTS SPORT