ខ្សែការពារកណ្តាល Marcos Rojo បានជជែកដល់ការត្រៀមចែកផ្លូវ ត្បិតអីនៅទីផ្សារដោះដូររដូវក្តៅគ្រប់យ៉ាងនៃការចរចារវាងភាគីខាងក្លឹប Everton FC មិនអាចសម្រេចទៅបាន។
Rojo ដែលមកចូលរួមជាមួយបិសាចក្រហមនាឆ្នាំ ២០១៤ ក្រោយចាកចេញពី Sporting CP ក្នុងអំឡុងពេល ៥ ឆ្នាំមកនេះ បង្ហាញខ្លួនបាន ៧៣ ប្រកួតហើយឲ្យក្លឹប។
ក្រោមការដឹកនាំរបស់លោក Solskjaer សម្រាប់វត្តមានរបស់ Rojo កាន់តែចុះថមថយទៅ ដោយបុរសវ័យ ២៩ ឆ្នាំបាននិយាយថា៖ “ខ្ញុំធ្លាប់មានឱកាសនឹងទៅចូលរួមនៅ Everton ប៉ុន្តែការសម្រេចគ្រប់យ៉ាងរបស់ក្លឹបនិងអ្នកចាត់ការក៏ត្រូវបានបញ្ឈប់ ឥឡូវនេះខ្ញុំមានតែខិតខំដល់ខែធ្នូ ហើយប្រសិនគ្រប់យ៉ាងវាមិនរលូនទេនោះ ខ្ញុំនឹងព្យាយាមចាកចេញ”។ ប្រភព៖ Sportskeeda
