Neymar កំពុងហ្វឹកហាត់ជាមួយក្រុមជម្រើសជាតិប្រេស៊ីល ដើម្បីត្រៀមលេងមិត្តភាពជាមួយក្រុមកូឡុំប៊ី នៅថ្ងៃស្អែកនេះ វេលាម៉ោង៧:៣០នាទីព្រឹក។
មុនការប្រកួតនេះដែរ លោក Tite ដែលជាគ្រូបង្វឹកផ្ទាល់របស់ក្រុមជម្រើសជាតិប្រេស៊ីល បានបញ្ជាក់ថារបួសបានធ្វើឱ្យ Neymar បាត់បង់ឱកាសជាច្រើន។ រូបគេមិនអាចឈានដល់កម្រិតកំពូលបាន ដោយតែរបួសញាំញីខ្លាំងពេក។ បច្ចុប្បន្ននេះ សមត្ថភាព Neymar ត្រូវបានលោក Tite ដាក់នៅលេខ៣ប៉ុណ្ណោះ ដោយស្ថិតនៅក្រោម Messi និង Ronaldo ។
ដោយឡែកសម្រាប់ជម្រើសជាតិប្រេស៊ីល វិញ គឺប្រាកដណាស់ត្រូវការកីឡាករដូចជា Neymar នេះ ព្រោះរូបគេជាតួអង្គសំខាន់ក្នុងការរកគ្រាប់បាល់ឱ្យជម្រើសជាតិ។ ឱ្យតែមិនមានរបួស អតីតកីឡាករ Barcelona រូបនេះ នឹងក្លាយជាតួអង្គមិនអាចខ្វះបានសម្រាប់ជម្រើសជាតិមិនខាន៕ប្រភព៖ Foxsportsasia