ក្លឹប Juventus មានគម្រោងដេញថ្លៃយក Neymar ពីក្រុម PSG នៅរដូវកាលក្រោយនេះ បន្ទាប់ពី FC Barcelona បរាជ័យក្នុងការយកអតីតកីឡាករខ្លួនត្រលប់ទៅវិញ។
ក្នុងគម្រោងរបស់ Juventus នេះ រដូវកាលក្រោយពួកគេនឹងយក Dybala ដើម្បីជានុយសម្រាប់យក Neymar ។ ដោយអាចនឹងយកកីឡាករនេះ ហើយថែមលុយ៩០លានផោនទៀត ទៅឱ្យ PSG ជាថ្នូរយក Neymar មកលេងជាមួយ Ronaldo នៅទឹកដីអ៊ីតាលី។ រដូវកាលដោះដូរកន្លងទៅ ក្រុមសេះបង្កង់នេះ បានបង្ហាញចំណាប់អារម្មណ៍ម្ដងមកហើយ ប៉ុន្តែមិនដេញថ្លៃអ្វីឡើយ ព្រោះពេលនោះ Barcelona ថាក្រុមចេញមុខចេញមាត់ជាងគេ ក្នុងការយកអតីតកីឡាករខ្លួនត្រលប់ទៅវិញ។
តែចុងក្រោយ អ្វីគ្រប់យ៉ាងក៏មិនកើតឡើងដែរ ព្រោះតម្លៃខ្លួនចរចាគ្នាមិនត្រូវ។ លទ្ធផលគឺ Neymar នៅតែជាកីឡាករ PSG រដូវកាលនេះ ហើយ Barcelona នឹងមិនអាចយកបានខ្សែប្រយុទ្ធដែលខ្លួនត្រូវការនោះទេ។ ពួកគេអាចនឹងចាប់ផ្ដើមដេញថ្លៃទៀតនៅខែមករាឬរដូវកាលក្រោយ ហើយពេលនេះ Juventus ក៏មានវត្តមានដេញថ្លៃដូចគ្នា៕ប្រភព៖ Dailymail
