ជំនួប ថៃ ​និង​វៀតណាម ​ទាត់​ឡើង​បែក​បាល់ ​តែ​មិន​ចូល​ទី​

ក្រុម​ថៃ ​និង​វៀតណាម ​បាន​បញ្ចប់​លទ្ធផល​ប្រកួត​ត្រឹម​ស្មើ​គ្នា ​០-០ ​ប៉ុណ្ណោះ​នា​ការ​ប្រកួត​បើក​ឆាក​ជម្រុះ World Cup 2022 ​កាល​ពី​យប់មិញ​នេះ​។

ការ​ប្រកួត​រវាង​ក្រុម​ខ្លាំង​ក្នុង​តំបន់​អាស៊ាន​ទាំង​ពីរ​នេះ​ដែរ ពិត​ជា​ស្វិតស្វាញ​និង​ល្អ​មើល​ខ្លាំង​មែនទែន។ ពួកគេ​មាន​ឱកាស​ទៅ​វិញ​ទៅ​មក ប៉ុន្តែ​សំណាង​មិន​ទាន់​មាន​ទើប​មិន​អាច​មាន​គ្រាប់​បាល់​កើត​ឡើង។ តែ​អ្វី​ដែល​គួរ​ឱ្យ​ចាប់​អារម្មណ៍​ខ្លាំង​ក្នុង​ការ​ប្រកួត​នេះ គឺ​មាន​ការ​ទាត់​បាល់​រហូត​ដល់​បែក​ផង​ដែរ ​នៅ​វគ្គ​ទី​២​។

ការ​ផ្ទុះ​បែក​បាល់​នេះ គឺ​ដោយសារ​តែ​កីឡាករ ​Phitiwat Sukjitthammakul ​ទាត់​ប៉ះ​ជាមួយ​បាត​ស្បែក​ជើង​របស់​កីឡាករ ​Duy Manh ​របស់​វៀតណាម។ ​ដោយសារ​តែ​កម្លាំង​ជើង​ខ្លាំង ​ទើប​បណ្ដាល​ឱ្យ​វា​បែក​តែ​ម្ដង។ ​ងាក​មក​មើល​លទ្ធផល​វិញ ​ស្មើ​គ្នា​នេះ​មិន​អាក្រក់​សម្រាប់​ក្រុម​ទាំង​ពីរ​ឡើយ ត្បិត​អី​នេះ​ទើប​តែ​ប្រកួត​ទី​១​ប៉ុណ្ណោះ។ ក្រុម​ទាំង​ពីរ​នេះ  ស្ថិត​នៅ​ពូល G ​ជាមួយ​ក្រុម​ឥណ្ឌូណេស៊ី ម៉ាឡេស៊ី ​និង UAE ​ទៀត៕ប្រភព៖ Zing

ភ្ជាប់ទំនាក់ទំនងជាមួយ CTS SPORT