ខ្សែការពារ Clement Lenglet របស់ក្រុម Barcelona ថាក្រុមទាំងមូលនឹងប្រមូលអារម្មណ៍លេងបានល្អវិញ ក្រោយពីរឿងការផ្ទេរ Neymar បានបញ្ចប់ទៅ។
ក្រុម Barcelona មានទំនាក់ទំនងខ្លាំងក្នុងការទិញយក Neymar ត្រលប់មកវិញ ដោយមានដំណឹងប្រើប្រាស់គ្រប់ជម្រើស។ កត្តានេះបានធ្វើឱ្យសមាជិកក្នុងក្រុម មិនពេញចិត្តភាគច្រើន ហើយចុងបញ្ចប់នៃទីផ្សារដោះដូរកីឡាករគឺទិញមិនបានថែមទៀតនោះ បានធ្វើឱ្យកីឡាករ Lenglet ពេញចិត្តទៅវិញ។
ខ្សែការពារកណ្ដាលនេះ បាននិយាយដូច្នេះថា៖ “Neymar? មានរឿងចចាមអារ៉ាមជាច្រើនពីការដោះដូរនេះ។ វាជាពេលមមាញឹកណាស់សម្រាប់ក្លឹបយើង។ តែចុងក្រោយវាចប់ហើយ ឥឡូវនេះយើងអាចងាយស្រួលបន្តិចក្នុងការធ្វើការបន្ដទៀតសម្រាប់ក្រុម”។
រឿង Neymar នេះ មានសមាជិកមួយចំនួនមិនពេញចិត្តវត្តមានរបស់គេត្រលប់មកវិញទេ ប៉ុន្តែក៏មានមួយចំនួនទៀតចង់ឱ្យក្រុមទិញយកមកវិញដែរ។ កីឡាករដែលចង់បាន Neymar មកវិញ មានដូចជា Messi , Suarez និង Pique ជាដើម៕ ប្រភព៖ Marca