Alisson ៖​អ្នក​ចាំទី​ពិបាក​ឈ្នះ​ពាន​ Ballon d’Or ​ណាស់

អ្នក​ចាំទី Alisson ​របស់​ក្រុម Liverpool ​បាន​បញ្ជាក់​ថា​តំណែង​អ្នក​ចាំទី​គឺ​ពិបាក​ក្នុង​ការ​ឈ្នះ​ពាន​រង្វាន់​កីឡាករ​ល្អ Ballon d’Or ​ខ្លាំង​ណាស់ ​មិន​ដូច​ខ្សែ​ប្រយុទ្ធ​នោះ​ទេ។

កីឡាករ​វ័យ​២៦​ឆ្នាំ​គឺ​ជា​ផ្នែក​មួយ​សំខាន់​ជួយ​ក្រុម Liverpool ​លើក​ពាន​រង្វាន់ UEFA Champions League ​ក្នុង​រដូវ​កាល​ដំបូង​របស់​ខ្លួន ​ហើយ​ក៏​បាន​ជួយ​ក្រុម​ជម្រើស​ជាតិ​ប្រេស៊ីល​លើក​ពាន​រង្វាន់ Copa America ​ថែម​ទៀត។ សមិទ្ធផល​នេះ ​អាច​ថា​ធំ​ធេង​ខ្លាំង​សម្រាប់ Alisson ​ដើម្បី​ប្រជែង​ជាមួយ​កីឡាករ​ដទៃ​ទៀត ​ដើម្បី​ឈ្នះ​ពាន​រង្វាន់ Ballon d’Or ​ហើយ។

យ៉ាងណាមិញ ​សាមី​ខ្លួន​បាន​បង្ហាញ​ចំណាប់​អារម្មណ៍​សម្រាប់​ពាន​រង្វាន់​ខាង​លើ​នេះ​ថា​៖ “ខ្ញុំ​ដឹង​ថា​មិន​ងាយ​ស្រួល​នោះ​ទេ ​សម្រាប់​អ្នក​ចាំទី​ដែល​អាច​ឈ្នះ​ពាន​រង្វាន់​នេះ។ ប៉ុន្តែ​ខ្ញុំ​តែងតែ​រក្សា​ភាព​ស្ងប់ស្ងាត់ ​ហើយ​នេះ​គឺ​ខ្ញុំ​ចង់​ធ្វើ​ឱ្យ​ល្អ​បន្ថែម​ទៀត​លើ​ការងារ​របស់​ខ្ញុំ​បច្ចុប្បន្ន​នេះ”៕ប្រភព៖ Marca


ភ្ជាប់ទំនាក់ទំនងជាមួយ CTS SPORT