អ្នកចាំទី Hugo Lloris បានបញ្ជាក់ថាក្រុម Spurs នឹងមិនអាចឈ្នះពានរង្វាន់លីគកំពូលអង់គ្លេស Premier League បានឡើយនៅរដូវកាលនេះ ព្រោះពួកគេបាត់បង់អ្វីយ៉ាងសំខាន់ក្នុងក្រុម។
Spurs ចាប់ផ្ដើមរដូវកាលនេះ ដោយស្មើក្រុម Man City , Arsenal ហើយចាញ់ក្រុម Newcastle United និងឈ្នះក្រុម Aston Villa បច្ចុប្បន្នឈរនៅលេខ៩ក្នុងតារាងឆ្លងកាត់៤ប្រកួតនេះ។ អំឡុងពេលឈប់សម្រាកសម្រាប់ការប្រកួតជម្រើសជាតិនេះ ពួកគេបានសម្រុកហ្វឹកហាត់ជាខ្លាំងឡើងវិញ ដើម្បីសង្ឃឹមថាចូលលេងលីគវិញ នឹងអាចល្អប្រសើរជាងកាលពីចាប់ផ្ដើមរដូវកាល។
ជាមួយគ្នានេះដែឬ Lloris អ្នកចាំទីក្រុម Spurs បាននិយាយពីរដូវកាលនេះដែរថា៖ “Liverpool និង Man City គឺជាក្រុមដែលមានបទពិសោធ ហើយពួកគេពិតជាមានភាពប្រកួតប្រជែងខ្ពស់។ ខ្ញុំគិតថាពេលនេះ ក្រុមរបស់យើងកំពុងបាត់បង់អ្វីម្យ៉ាង។ យើងនឹងឃើញវានៅពេលខាងមុខ ពីព្រោះគ្រប់យ៉ាងក្នុងវិស័យបាល់ទាត់ប្រែប្រួលលឿនណាស់”៕ប្រភព៖ Dailymail