លីគទាំង៥ក្នុងទ្វីបអឺរ៉ុប បានចំណាយសរុបដល់ទៅ៥ពាន់លានផោនឯណោះ ក្នុងទីផ្សារដោះដូរកីឡាករកន្លងទៅនេះ។
ក្នុងលីគអង់គ្លេស Premier League បានចំណាយប្រាក់១,៤១ពាន់លានផោន ស្របពេលលីគរបស់អេស្ប៉ាញវិញ ចំណាយអស់១,២៤ពាន់លានផោន ដែលជាចំនួនកើន២ដងបើធៀបនឹងឆ្នាំ២០១៧។ ដោយឡែកនៅអ៊ីតាលី អាល្លឺម៉ង់ និងបារាំង ក៏មានខ្ទង់ចំណាយច្រើនផងដែរ។ ដោយ Serie A បានចំណាយដល់ទៅ១,០៦ពាន់លានផោនដែរ។ Bundesliga ចាយអស់៦៧០លានផោន និងចុងក្រោយ Ligue 1 ចំណាយអស់៦០៥លានផោន។
ក្នុងនោះ កីឡាករថ្លៃជាងគេដែលទិញចូលនៅអង់គ្លេសគឺ Harry Maguire របស់ Man Utd តម្លៃ៨០លានផោន នៅ La Liga កីឡាករថ្លៃជាងគេ Joao Felix របស់ Atletico Madrid តម្លៃ១១៣លានផោន។ នៅលីគ Serie A កីឡាករថ្លៃជាងគេគឺ Lukaku របស់ Inter Milan តម្លៃ៧៤លានផោន នៅ Bundesliga កីឡាករថ្លៃជាងគេ Lucas Hernandes របស់ Bayern Munich ៦៨លានផោន និង Ligue1 កីឡាករថ្លៃជាងគេ Wissam Ben Yedder របស់ Monaco តម្លៃ៣៦លានផោន៕ប្រភព៖ Bbc
