ខ្សែប្រយុទ្ធ Icardi និងអ្នកចាំទី Keylor Navas បានផ្ទេរទៅលេងនៅក្របខណ្ឌលីគកំពូលបារាំងជាផ្លូវការហើយ នៅថ្ងៃចុងក្រោយនៃទីផ្សារដោះដូរកីឡាករ។
Icardi ត្រូវបានក្លឹប PSG ខ្ចីជើងពីក្រុម Inter Milan ក្រោយពីរូបគេមានបញ្ហាជាមួយក្លឹបចាស់នេះខ្លាំង រហូតដល់អស់ឱកាសក្នុងការបង្ហាញសមត្ថភាព។ ជាមួយកុងត្រា១ឆ្នាំនេះដែរ ក្លឹប PSG ក៏នឹងទិញយកដាច់តែម្ដងផងដែរ ប្រសិនបើរូបគេលេងល្អជួយក្រុមបានច្រើន។
ដោយឡែក Navas វិញ គឺក្រុម PSG ទិញយកមកដាច់តែម្ដង។ Navas ជាអ្នកចាំទីជួយក្រុម Real Madrid ឈ្នះពាន UEFA Champions League ដល់ទៅ៤ដងឯណោះ ប៉ុន្តែរូបគេធ្លាក់ទៅជាអ្នកចាំទីដៃទី២កាលពីរដូវកាលមុន។ ដូច្នេះហើយទើបសម្រេចចិត្តចាកចេញដើម្បីទៅរកទ្រនំថ្មីតែម្ដង៕ប្រភព៖ dailymail
