លោក Simeone អ្នកចាត់ការក្រុម Atletico Madrid បានបញ្ជាក់ថាក្រុមរបស់លោកគឺចង់ឈ្នះជាប់រហូតតែម្ដងនារដូវកាលនេះ មិនចង់ស្គាល់ឡើយពាក្យបរាជ័យ។
AT Madrid បានបន្ដឈ្នះប្រកួតទី៣របស់ខ្លួន ដោយយកឈ្នះលើក្រុម Eibar ក្នុងលទ្ធផល ៣-២ នៅយប់មិញនេះ។ បានទទួលបាន៩ពិន្ទុពេញពីការប្រកួតបើកឆាក៣ប្រកួតនេះ ធ្វើឱ្យលោក Simeone ពេញចិត្តនឹងកូនក្រុមរបស់ខ្លួនមែនទែន ហើយចង់ឱ្យពួកគេបន្ដការឈ្នះនេះតទៅទៀត។
“មានកីឡាករថ្មីមកចូលរួមជាមួយយើងជាច្រើន ហើយយើងកំពុងកសាងក្រុមថ្មីមួយឡើងវិញ។ យើងចង់ឈ្នះ ឈ្នះ ហើយបន្ដឈ្នះរហូត។ ពេលអ្នកឈ្នះ ៣-២ អ្នកបានបង្កើតកំហុសទៅហើយ។ យើងដំបូងដែលអ្នកត្រូវធ្វើគឺត្រូវសម្រាកឱ្យគ្រប់គ្រាន់ ដើម្បីត្រៀមខាងមុខទៀត។ យើងនឹងផ្លាស់ប្ដូរ ប្រព័ន្ធការពាររបស់យើង ដើម្បីឡើងទៅជួយនៅតំបន់ប្រយុទ្ធបន្ថែមទៀត”។ សម្ដីអ្នកចាត់ការសញ្ជាតិអាហ្សង់ទីន៕ប្រភព៖ Marca