Zidane បានបញ្ជាក់ថាគ្រប់យ៉ាងសុទ្ធតែអាចកើតមានឡើងបាន មុនទីផ្សារដោះដូរកីឡាករបិទនៅថ្ងៃស្អែកនេះ ព្រោះក្រុម Real Madrid នៅមានចិត្តចង់បានកីឡាករថ្មីទៀត។ក្រុម Real Madrid នៅសល់ប្រាក់ប្រមាណជា១៥០លានអឺរ៉ូទៀត សម្រាប់ចំណាយក្នុងទីផ្សារដោះដូរកីឡាករនេះ។ ជាមួយនឹងការសល់លុយក្នុងដៃនេះដែរ Zidane បាននិយាយថា៖ “គ្រប់យ៉ាងសុទ្ធតែអាចកើតមានឡើងមុនថ្ងៃចន្ទ។ ១ ឬ២ ប៉ុន្តែរឿងសំខាន់គឺការប្រកួតជាមួយ Villarreal សិន”។
ដូចដែលបានដឹងគ្រប់គ្នាZidane ចង់បាន Pogba របស់ក្រុមបិសាចក្រហម Manchester United ប៉ុន្តែក្លឹបនៅអង់គ្លេសមិនព្រមលក់ឱ្យនោះទេ ដោយទាមទារតម្លៃខ្លួនដល់ទៅ១៨០លានផោនឯណោះ។ នៅមានជម្រើស១ទៀតសម្រាប់ក្រុម Real Madrid គឺខ្សែបម្រើ Bruno Hernendez របស់ក្រុម Sporting ដែលជាកីឡាករល្អមួយរូបដែរ៕
ប្រភព៖ Marca