ខ្សែប្រយុទ្ធ Sadio Mane ខឹងសម្បារជាខ្លាំង ក្រោយពី Mohamed Salah មិនបានបោះបាល់ឱ្យខ្លួន កាលពីយប់មិញនេះក្នុងជ័យជម្នះ ៣-០ លើក្រុម Burnley ។គ្រប់គ្នាដែលបានមើលការប្រកួត សុទ្ធតែឃើញ Mane ខឹងយ៉ាងខ្លាំង ក្រោយពីប្ដូរចេញ បើទោះជា Klopp ប្រឹងសម្រួលយ៉ាងណាក្ដី។ ដល់កន្លែងកៅអីអង្គុយមិត្តរួមក្រុមទាំងអស់បានជួយសម្រួលទៀត ទម្រាំតែខ្សែប្រយុទ្ធរូបនេះបានស្ងប់ចិត្តបន្តិចវិញ។
មូលហេតុដែលខឹងនេះ លោក Klopp បាននិយាយថា៖ “Sadio ជាមនុស្សប្រើអារម្មណ៍។ គាត់មិនសប្បាយចិត្តជាមួយរឿងម្យ៉ាង តែមិនមែនរឿងប្ដូរគាត់ចេញទេ។ គាត់ខឹងជាមួយរឿង… វាមិនមែនជារឿងធំឡើយ យើងនឹងនិយាយគ្នានៅបន្ទប់ផ្លាស់សំលៀកបំពាក់ ហើយយើងនឹងដើរទៅមុខជាមួយគ្នាទៀត”៕
ប្រភព៖ DailyMail