ក្លឹប Arsenal បានព្រមព្រៀងក្នុងការប្រគល់ជូនខ្សែការពារ Nacho Monreal ឲ្យទៅក្លឹប Real Sociedad របស់ក្របខ័ណ្ឌ LaLiga មុនបិទទីផ្សារដោះដូររយៈពេល ២ ថ្ងៃ។
កុងត្រារបស់ Monreal មានរយៈពេល ២ ឆ្នាំនៅក្លឹបថ្មី ព្រោះគេមានវ័យចំណាស់ដល់ទៅ ៣៣ ឆ្នាំទៅហើយ។ សម្រាប់ការលេងឲ្យ Arsenal ក្រោយផ្លាស់ចេញពី Malaga នាឆ្នាំ ២០១៣ សរុបមាន ២៥០ ប្រកួតរកបាន ១០ គ្រាប់។
បញ្ជាក់ថាលោក Unai Emery ក៏បានបញ្ជាក់កាលពីថ្ងៃព្រហស្បតិ៍កន្លងទៅរួចហើយដែរ ថានឹងមានកីឡាករចាកចេញ លុះរំលងប៉ុន្មានថ្ងៃក្រោយមកគ្រប់យ៉ាងពិតជាកើតឡើងមែន។
សម្រាប់ Monreal នៅជម្រើសជាតិអេស្ប៉ាញ លោកធ្លាប់ដើរតួជាប្រធានក្រុមចំនួន ២២ លើក និងស្ថិតក្នុងផ្នែកមួយនៅព្រឹត្តិការណ៍ World Cup ២០១៨ ផងដែរ៕ ប្រភព៖ BBC