ក្រុម Real Madrid ជិតទិញបានខ្សែបម្រើ Bruno Fernandes ហើយក្នុងតម្លៃខ្លួន៧០លានអឺរ៉ូ។ នេះបើតាមលោក Daniele Prade ប្រធានផ្នែកកីឡារបស់ក្លឹប Fiorentina បានបញ្ជាក់។
លោក Prade កំពុងតាមទិញមិត្តរួមក្រុមរបស់ Bruno ឈ្មោះថា Raphinha ដែលជាខ្សែប្រយុទ្ធ។ ប៉ុន្តែប្រហែលជាមិនអាចទិញបានឡើយ ព្រោះលោក Prade បានបញ្ជាក់ថាក្លឹប Sporting ចង់លក់ Bruno ជាជាងលោក Raphinha ។ លោកបន្ថែមទៀតថា Sporting នឹងត្រូវអស់កីឡាករម្នាក់ក្នុងចំណោម២នាក់នេះ ហើយ Bruno មានភាគរយចាកចេញច្រើនជាងគេ។
“Raphinha មិនមែនសម្រាប់លក់ចេញឡើយ ព្រោះក្រុម Sporting បានលក់ Bruno ឱ្យទៅ Real Madrid ក្នុងតម្លៃ៧០លានអឺរ៉ូទៅហើយ។ ពួកគេមិនអាចបាត់បង់កីឡាករ២នាក់ក្នុងពេលតែមួយនោះទេ”។ សម្ដីរបស់ប្រធានផ្នែកកីឡារបស់ក្លឹប Fiorentina ។ ក្រុម Real Madrid ចាប់អារម្មណ៍ទៅលើ Bruno នេះ ក្រោយពីពួកគេមិនអាចយក Pogba បានពីក្រុម Manchester United ៕ប្រភព៖ Marca
