ខ្សែការពារ Chris Smalling បានចុះហត្ថលេខាលើកុងត្រាខ្ចីជើងរយៈពេលមួយរដូវកាលជាមួយក្លឹបថ្មី AS Roma នៅលីគកំពូលអ៊ីតាលី ត្បិតអីកាលពីខែធ្នូឆ្នាំទៅ ទើបតែបានបន្តកុងត្រាថ្មីជាមួយ Man Utd រយៈពេលយូរក៏ដោយ។
បុរសវ័យ ២៩ ឆ្នាំរូបនេះ ត្រូវបាន United ទាមទារថ្លៃខ្លួនប្រមាណ ៣ លានអឺរ៉ូពីក្លឹប Roma ហើយរូបគេនឹងប្រើប្រាស់អាវលេខ ៦។
ថ្លែងបញ្ជាក់ដោយសាមីខ្លួនផ្ទាល់ បាននិយាយថា៖ “នេះជាឱកាសដ៏ល្អបំផុតសម្រាប់ខ្ញុំ ជាបទពិសោធន៍សម្រាប់ការលេងនៅលីគថ្មី ជាមួយក្រុមដ៏ធំដែលជាអ្វីខ្ញុំត្រូវការ ហើយខ្ញុំកាន់តែតក់ក្រហល់នឹងការចូលរួមជាមួយមិត្តរួមក្រុមថ្មីនៅទីនោះ”។
បញ្ជាក់ថា Smalling មិនទាន់បានជាប់ជម្រើស ១១ នាក់ដំបូងសូម្បីម្តងនារដូវកាលនេះ ខុសពី Phil Jones ហើយមួយផ្សេងទៀតលោក Solskjaer ហាក់សម្លឹងឃើញ Axel Tuanzebe, Maguire និង Victor Lindelof នៅប្រព័ន្ធខាងក្រោយច្រើនជាង៕ ប្រភព៖ FoxSportAsia