ក្រុមការពារតំណែងជើងឯក Liverpool ស្ថិតនៅពូល E ជាមួយក្រុម Napoli , Salzburg និង Genk សម្រាប់ការប្រកួតបានរង្វាន់ UEFA Champions League រដូវកាលនេះ។
វាជារឿងចៃដន្យមួយដែលក្រុម Liverpool និង Napoli ស្ថិតនៅពូលជាមួយគ្នាទៀត ត្បិតអីពួកគេរដូវកាលមុនក៏នៅពូលជាមួយគ្នាដែរ។ ខណៈដែលក្រុម២ទៀតSalzburg និង Genk អាចថាជាក្រុមចំណូលថ្មីមួយដែលត្រូវការធ្វើការងារធ្ងន់ណាស់ដើម្បីប្រជែងឡើងទៅវគ្គបន្ដបាន។
លោក Klopp អ្នកចាត់ការក្រុម Liverpool បាននិយាយក្រោយចាប់ពូលរួចថា៖ “Napoli ទៀត ខ្ញុំមិនដឹងថាខ្ញុំឥឡូវបានលេងជាមួយក្រុមនៅអ៊ីតាលីញឹកប៉ុណ្ណាទេ។ ហើយក្រុម២ទៀត Salzburg និង Genk ខ្ញុំថាពួកគេជាក្រុមក្មេងណាស់ ពិតជារំភើបនិងរីករាយនៅពេលបានលេងនៅពាននេះ។ ដូច្នេះហើយវានឹងក្លាយជាប្រកួតជក់ចិត្តមិនខានពេលប៉ះក្រុម២នេះ។ ខ្ញុំគិតថាខ្ញុំមិនដែលដឹកនាំក្រុមប៉ះពួកគេពីមុនមកនោះទេ”៕ប្រភព៖ Liverpoolfc
