ខ្សែការពារក្រោយ Matteo Darmian របស់ក្លឹប Manchester United សព្វថ្ងៃកំពុងទទួលបានការចាប់អារម្មណ៍ពីក្លឹប Parma បន្ថែមមួយទៀតហើយ សម្រាប់ការចង់ទាញយករូបគេវិលមកចូលរួមនៅអ៊ីតាលី។
កីឡាករសញ្ជាតិដើមអ៊ីតាលីរូបនេះកន្លងមកក៏មានបណ្តាក្លឹបធំៗដូចជា Juventus, Inter និង Roma ជាដើម ទាមទារចង់បានផងដែរ ប៉ុន្តែក្រោយល្ហិចល្ហៀងថា Man Utd ទារ ១០ លានអឺរ៉ូ ម្នាក់ៗក៏ដកថយមកវិញ។
យោងតាមសារព័ត៌មាន La Gzzetta dello Sport បានចុះផ្សាយថាអ្នកជំនាញរបស់ក្លឹប Parma គឺលោក Nicolo Schira កំពុងចរចាជាមួយភាគីខាង United ហើយលៃលកយកឲ្យបានរហ័សបំផុតមុនទីផ្សារដោះដូរត្រូវបិទទ្វារនាថ្ងៃទី ២ កញ្ញា។ ប្រភព៖ Football-Italia