ឲ្យ​តែ​ដល់​ទីផ្សារ​ដោះដូរ Isco ទម្លាប់​បិទ​ទូរសព្ទ ព្រោះ​ខ្លាច​ក្លឹប​ផ្សេង​ចែចូវ​យក​ទៅ​បាត់

យោង​តាម​សារព័ត៌មាន Marca ​បាន​ឲ្យ​ដឹង​ការ​វិល​ត្រលប់​របស់ Zinedine Zidane មក​ដឹកនាំ​នៅ​ក្លឹប Real Madrid ក៏​កាន់​តែ​ជា​ទំនុកចិត្ត​មួយ​បន្ថែម​ទៀត​ដែល​ធ្វើ​ឲ្យ Isco ចង់​បន្ត​ឈរ​ជើង​នៅ​ក្លឹប Real Madrid។

តាម​ប្រភព​បាន​ឲ្យ​ដឹង​ថា​លោក​រមែង​បិទ​ទូរសព្ទ​ចោល នៅ​ពេល​ដែល​ទីផ្សារ​ដោះដូរ​បើក​ទ្វារ ពោល​គឺ​មិន​ចង់​ឲ្យ​មាន​ការ​ទំនាក់ទំនង​ពី​ភាគី​ខាង​ណា​មួយ​នោះ​ទេ ហើយ​ចង់​ឲ្យ​ខ្លួន​លោក​ប្រាកដ​ចិត្ត​ថា​នឹង​បន្ត​រួមរស់​ជាមួយ​ក្លឹប Real Madrid ត​ទៅ​ទៀត។

បញ្ជាក់​ថា​បុរស​វ័យ ២៧ ឆ្នាំ​សព្វថ្ងៃ​ក៏​កំពុង​ជួប​បញ្ហា​របួស​សរសៃ​ពួរ​ដែល​ត្រូវ​ខកខាន​ការ​ប្រកួត​អស់​រយៈ​ពេល ២ ទៅ ៣ សប្តាហ៍​បន្ទាប់​ទៀត​ផង​ដែរ។ ប្រភព៖ Football-Espana

ភ្ជាប់ទំនាក់ទំនងជាមួយ CTS SPORT