កូន​ស្រី​លោក Enrique ​ស្លាប់​ដោយសារ​មហារីក​កាល​ពី​ម្សិលមិញ​នេះ​

Xana ​វ័យ​៩​ឆ្នាំ ​កូន​ស្រី​របស់​លោក​ Enrique អតីត​អ្នក​ចាត់ការ​ក្រុម Barcelona ​និង​គ្រូ​បង្វឹក​ជម្រើស​ជាតិ​អេស្ប៉ាញ ​បាន​ស្លាប់​ដោយសារ​កើត​ជំងឺ​មហា​រីក​ឆ្អឹង​ធ្ងន់ធ្ងរ។

​លោក  Enrique ​បាន​លា​ឈប់​ពី​តំណែង​គ្រូ​បង្វឹក​ក្រុម​ជម្រើស​ជាតិ​អេស្ប៉ាញ ​ដើម្បី​យក​ពេល​ព្យាបាល​ជំងឺ​កូន​ស្រី​របស់​ខ្លួន​នេះ។ តែ​គួរ​ឱ្យ​សោកស្ដាយ ​នាង​មិន​អាច​ជម្នះ​ជំងឺ​ដ៏​កាច​សាហាវ​នេះ​បាន​ឡើយ ​ហើយ​បាន​លា​ចាក​លោក​កាល​ពី​ម្សិលមិញ​នេះ​ទៅ​ហើយ។

អតីត​អ្នក​ចាត់ការ​ក្រុម Barcelona ​បាន​បង្ហោះ​រឿង​នេះ ​នឹង​ចាត់​ទុក​កូន​ស្រី​របស់​លោក​ជា​មនុស្ស​រឹងម៉ាំ​បំផុត។ ​គ្រប់​យ៉ាង​ដែល​លោក​ធ្លាប់​កសាង​ឡើង​និង​ឈ្នះ​ក្នុង​វិស័យ​បាល់ទាត់​គឺ​នឹង​ផ្ដល់​ឱ្យ​កូន​ស្រី​ម្នាក់​នេះ​ទាំង​អស់។ ​លោក​ក៏​អរគុណ​ញាតិ​មិត្ត ​រួម​ទាំង​ក្រុម​គ្រូ​ពេទ្យ​ដែល​ព្យាយាម​អស់​ពី​សមត្ថភាព​ផង​ដែរ៕ប្រភព៖ Dailymail


ភ្ជាប់ទំនាក់ទំនងជាមួយ CTS SPORT