អតីតជើងចាស់របស់ Barcelona និងជម្រើសជាតិប្រេស៊ីលគឺលោក Rivaldo បានមើលឃើញថាលោក Pep Guardiola គួរតែផ្តោតអាទិភាពជាធំលើការតតាំងពានរង្វាន់ Champions League នៅការដឹកនាំ Manchester City រដូវកាលនេះ ជាជាងពានរង្វាន់ណាៗទាំងអស់។
City ដែលបានឈ្នះពាន PL ពីររដូវកាលជាប់គ្នាហើយនោះ ត្រូវបាន Rivaldo ប្រាប់ Betfair ថា៖ “Champions League ជាពានរង្វាន់ធំជាងគេបំផុតនៅអឺរ៉ុប ដោយក្លឹបណាក៏ចង់បានវាដែរ បែបនេះពិតជាសំខាន់ដែលអ្នកត្រូវដឹកនាំក្រុមរបស់អ្នកឲ្យខ្លាំងសម្រាប់ការប្រកួត CL”។
លោកបន្ត៖ “ខ្ញុំគិតថាស្ថានភាពរបស់ Pep មិនខុសពី Valverde ទេ គឺឈ្នះពានក្នុងស្រុក តែបរាជ័យពាន Champions League បែបនេះវាល្មមដល់ពេលដែលត្រូវផ្តោតខ្លាំងលើពានអឺរ៉ុបវិញ”។ ប្រភព៖ AF