ការចាកចេញរបស់ Alexis Sanchez ទំនងជាត្រូវកើតឡើងយ៉ាងពិតប្រាកដ ក្រោយគេប្រទះឃើញកីឡាករឈីលីទើបតែចុះចតក្នុងទីក្រុង Milan ប្រទេសអ៊ីតាលី ដែលត្រូវបានដឹងថាកំពុងស្ថិតក្រោមដំណាក់កាលតេស្តសុខភាព។
ប៉ុន្មានម៉ោងបន្ទាប់នេះ Sanchez ក៏នឹងចូលទីស្នាក់ការរបស់ Inter ហើយទម្លាក់ចុងប៊ិចចុះហត្ថលេខាលើកុងត្រាខ្ចីជើង ពេលនោះហើយដំណឹងផ្លូវការនឹងត្រូវប្រកាសជាសាធារណៈ ជុំវិញការផ្តល់ជូនកីឡាកររបស់ Man Utd មកចូលរួមនៅក្លឹប Inter Milan ដែលកំពុងឈរលេខ ១ បណ្តោះអាសន្ននៅ Serie A។
បញ្ជាក់ថា Sanchez នឹងត្រូវមកចាប់ដៃគូជាមួយ Romelu Lukaku ធ្លាប់ជាអតីតមិត្តរួមក្រុមនៅ Old Trafford ប៉ុន្តែត្រូវចាកចេញទៅអង់គ្លេសវិញ ក្រោយផុតកុងត្រារយៈពេល ១០ ខែ។ ដំណាក់កាលខ្ចីជើងនេះ United ចំណេញលើចាយវាយ ដោយបង់ថ្លៃពលកម្មត្រឹមពាក់កណ្តាលប៉ុណ្ណោះ។ ប្រភព៖ AF