លោក Zidane នៅតែរក្សាចិត្តចង់ឱ្យក្រុម Real Madrid ទិញយក Pual Pogba មករួមក្រុមដដែលនៅរដូវក្ដៅនេះ ត្បិតអីក្រុមនៅមានចន្លោះប្រហោងតំបន់បម្រើការពារ។
Pogba នៅក្លឹប Manchester United ត្រូវអ្នកគាំទ្រលើកបដាចង់ឱ្យចាកចេញពីក្រុមទៅ ក្រោយពីរូបគេលេងមិនសូវបានល្អឡើយ។ ស្របពេលនោះ ខាងក្រុមរបស់លោក Zidane កំពុងត្រូវការរូបគេខ្លាំង ដើម្បីទៅបំពេញចន្លោះប្រហោងក្រុមដែលកើតមាននៅដើមរដូវកាលនេះ។ អ្វីដែលជារនាំងធំមិនអាចឱ្យមានការផ្ទេរបានគឺតម្លៃខ្លួនរបស់គេតែម្ដង។
ក្រុមបិសាចក្រហម Man Utd បានដាក់តម្លៃផ្ដាច់កុងត្រាដល់១៨០លានផោនឯណោះ ដែលវាជាតម្លៃធ្វើឱ្យក្រុម Real Madrid មិនអាចទិញយកបានឡើយ។ កាលពីប៉ុន្មានសប្ដាហ៍កន្លងទៅ Real Madrid បានដាក់សំណើអមជាមួយការថែមកីឡាករដើម្បីយក Pogba តែចុងក្រោយក្រុមនៅអង់គ្លេស បដិសេធព្រោះពួកគេចង់បានលុយសុទ្ធ៕ប្រភព៖ Dailymail