ក្រុម Real Madrid រំពឹងថាខ្សែបម្រើប្រយុទ្ធ Eden Hazard នឹងបានចូលលេងវិញនៅប្រកួតចុងសប្ដាហ៍នេះ ក្រោយពីខកខានលេង២ប្រកួតមកហើយ។
ក្រោយពីចប់ការប្រកួតមិត្តភាពបើករដូវកាល Hazard បានរងរបួសសាច់ដុំភ្លៅ ដែលធ្វើឱ្យរូបគេខកខានមិនអាចចូលលេងបាន២ប្រកួតមកហើយ។ ក្រុមអ្នកគាំទ្រអធិរាជស កំពុងចាំមើលការបង្ហាញសមត្ថភាពប្រកួតផ្លូវការរបស់គេខ្លាំង។ដូច្នេះហើយ សប្ដាហ៍ទី៣នេះ គេរំពឹងថានឹងអាចចូលលេង ក៏ដូចជាជួយក្រុមបានវិញហើយ។ កីឡាករបែលហ្សិកនេះ បានចូលហាត់ពេញ១០០%ជាមួយសមាជិកដទៃទៀត ដែលនេះធ្វើឱ្យគេគិតថាប៉ះក្រុម Villarreal កីឡាករ Hazard នឹងជាប់ជម្រើសដំបូងវិញ។
បច្ចុប្បន្ននេះ ក្រុម Real Madrid ឆ្លងកាត់២ប្រកួត ទើបមាន៤ពិន្ទុប៉ុណ្ណោះ។ ដោយបើកឆាកឈ្នះក្រុម Celta Vigo ៣-១ និងប្រកួត១ទៀតស្មើក្រុម Real Valladolid ១-១។ ឆ្លងកាត់២ប្រកួតនេះ ក្រុមរបស់លោក Zidane ចាប់ផ្ដើមមានបញ្ហាកីឡាកររបួសទៅហើយ ដោយមាន៨នាក់ហើយមិនអាចចូលលេងបាន៕ប្រភព៖ Dailymail