៣ ប្រកួតលើកដំបូងនៅរដូវកាលនេះ Mesut Ozil មិនទាន់មានឱកាសបង្ហាញខ្លួនលើទីលានជាមួយនឹងក្លឹប Arsenal នោះឡើយ ជាពិសេសនៅពេលដែលការប្រកួតទល់ហង្សក្រហម Liverpool បានផ្ទុះឡើង ក៏កាន់តែមានមន្ទិលសង្ស័យជុំវិញអនាគតរបស់កីឡាករសញ្ជាតិអាល្លឺម៉ង់។
Ozil ដែលបានត្រឹមចូលរួមនៅប្រកួតត្រៀមបើករដូវកាលក្នុងទឹកដីសហរដ្ឋអាមេរិក នៅប្រកួតបន្ទាប់ទល់ Tottenham នាចុងសប្តាហ៍នេះ ក៏មិនទាន់មានភាពប្រាកដប្រជាពីវត្តមានរបស់គេនោះដែរ។ ផ្ទុយទៅវិញក្លឹបហាក់ជឿជាក់លើសមត្ថភាពរបស់ចំណូលថ្មី Nicolas Pepe ជាង។
យ៉ាងណាមិញតាមរយៈការបញ្ជាក់ដោយផ្ទាល់របស់ភ្នាក់ងារប្រាប់ទៅសារព័ត៌មាន Turkish-Footballl បានបញ្ជាក់ច្បាស់ថា Ozil នឹងនៅតែបន្តឈរជើងជាមួយក្លឹបនៅរដូវក្តៅនេះ ពោលគឺគ្មានការចាកចេញអ្វីទាំងអស់។ ប្រភព៖ OneFootball