អាហ្សង់ទីន មាន​សង្ឃឹម​ឡើង​វិញ ​ក្រោយ​ពេល​នីហ្សេរីយ៉ា ​ឈ្នះ​អ៊ីស្លង់​យប់មិញ

ក្រុម​នីហ្សេរីយ៉ា បាន​យក​ឈ្នះ​លើ​ក្រុម​អ៊ីស្លង់​ក្នុង​លទ្ធផល ២-០ ​នា​ប្រកួត​ទី​២​របស់​ខ្លួន​នៅ​ព្រឹត្តិការណ៍ World Cup 2018 ​នា​ប្រទេស​រុស្ស៊ី។

លទ្ធផល​២​-០ ​នេះ  បាន​ធ្វើ​ឱ្យ​នីហ្សេរីយ៉ា​មាន​សង្ឃឹម​អាច​បាន​ឡើង​ទៅ​វគ្គ​ពាក់​កណ្ដាល​ផ្ដាច់ព្រ័ត្រ​បាន។ ដោយ​ឡែក​បើ​គិត​មួយ​ផ្លូវ​ទៀត​នោះ លទ្ធផល​នេះ​បាន​ធ្វើ​ឱ្យ​ក្រុម​អាហ្សង់ទីន​ក៏​មាន​សង្ឃឹម​ដូច​គ្នា​ក្នុង​ការ​យក​លេខ​២​ក្នុង​ពូល ឡើង​វគ្គ​១៦​ក្រុម​ចុង​ក្រោយ។ ប្រកួត​ទី​៣​របស់​នីហ្សេរីយ៉ា​ត្រូវ​ប៉ះ​ជាមួយ​អាហ្សង់ទីន។ ការ​ប្រកួត​នេះ ជឿ​ជាក់​ថា​មិន​ស្មើ​ដាច់​ខាត ត្បិត​អី​ក្រុម​ទាំង​ពីរ​ត្រូវ​ការ​៣​ពិន្ទុ​ដូច​គ្នា ដើម្បី​ឡើង​ទៅ​វគ្គ​បន្ដ។

អាហ្សង់ទីន ​បើ​អាច​យក​ឈ្នះ​នីហ្សេរីយ៉ា ​ហើយ​អ៊ីស្លង់​ចាញ់​ឬ​ស្មើ​ក្រុម​ក្រូអាត​នោះ ​គឺ​ពួកគេ​នឹង​ឡើង​ទៅ​ហើយ។ ដោយ​ឡែក​ប្រសិន​បើ​អ៊ីស្លង់​ឈ្នះ​ក្រូអាត ​ហើយ​នោះ​អាហ្សង់ទីន​ប្រាកដ​ជា​ត្រូវ​ឈ្នះ​ច្រើន​គ្រាប់​ទៀត ទើប​អាច​ឡើង​ទៅ​វគ្គ​បន្ដ​បាន។ ដូច្នេះ​ហើយ មាន​តែ​ចាំ​មើល​ការ​ប្រកួត​ទី​៣​ប៉ុណ្ណោះ ដើម្បី​កាត់​ក្ដី​ថា នីហ្សេរីយ៉ា ​អ៊ីស្លង់ ឬ​ក្រូអាត ជា​អ្នក​ឡើង​វគ្គ​បន្ដ៕ប្រភព៖DailyMail

 

ភ្ជាប់ទំនាក់ទំនងជាមួយ CTS SPORT