អតីតខ្សែការពាររបស់ក្លឹប Crystal Palace គឺ Aaron Wan-Bissaka បានចំណាយពេលអស់រយៈពេលច្រើនខែរួចមកហើយជាមួយទ្រនំថ្មីនៃទឹកដី Old Trafford ក្រោមតម្លៃខ្លួនប្រមាណ ៥០ លានផោន។
ការបង្ហាញខ្លួនរបស់ Bissaka នៅជំនួបបើកឆាកប៉ុន្មានជុំនេះ អាចថាល្អគួរសម ត្បិតក្លឹបមិនសូវទទួលបានជោគជ័យក៏ពិតមែន។
ជជែកប្រាប់គេហទំព័រផ្លូវការរបស់ក្លឹប បុរសវ័យ ២១ ឆ្នាំបាននិយាយទាក់ទិនពេលហ្វឹកហាត់ថា៖ “ការតតាំង Anthony Martial សម្រាប់ខ្ញុំគឺតានតឹងបំផុត តែអ្នកត្រូវគិតវិជ្ជមាន ព្រោះវាជាការជួយយើងទាំងពីរ”។
យុវជនរូបនេះបន្ត៖ “លេងតតាំងកីឡាករមានល្បឿនលឿនដូចជាគាត់ វាលើសពីការរៀនសូត្រទៅទៀត តែពិតណាស់ដែលប្រព័ន្ធប្រយុទ្ធរបស់យើងសុទ្ធសឹងតែមានល្បឿនលឿន បែបនេះអ្នកត្រឹមតែផ្តោតសំខាន់លើការផ្លាស់ទីរបស់ពួកគេគ្រប់ពេលតែប៉ុណ្ណោះ”។ ប្រភព៖ Mirror