Christian Eriksen នឹងត្រូវបន្ដលេងឱ្យ Spurs រហូតដល់ខែមករាឆ្នាំ ២០២០ខាងមុខនេះ ក្រោយពីការផ្លាស់ទៅក្លឹប Barcelona ឬ Real Madrid បានបរាជ័យទៅហើយ។
ដំបូងឡើយគេរំពឹងថាកីឡាករដាណឺម៉ាករូបនេះ នឹងត្រូវចាកចេញពី Spurs នៅត្រឹមរដូវក្ដៅនេះហើយ ក្រោយពីសាមីខ្លួនមិនព្រមបន្ដកុងត្រាទៀត ហើយក្លឹបធំៗក៏ចង់បានដែរ។ តែចុងក្រោយការផ្ទេរនោះមិនអាចកើតមានឡើងបានទេ ព្រោះការចរចាមិនត្រូវគ្នាជាមួយតម្លៃខ្លួន។ ការមិនត្រូវគ្នានេះ គឺបញ្ជាក់ថារូបគេនឹងត្រូវលេងឱ្យក្រុមមាន់ខ្នាយមាសរហូតដល់ខែមករាសិន ទើបអាចចរចាគ្នាបន្ដទៀតបាន។
បច្ចុប្បន្ននេះមានក្លឹប២ចង់បានរូបគេគឺ Barcelona និង Real Madrid ។ ស្របពេល Eriksen វិញ រដូវកាលនេះគឺជារដូវកាលចុងក្រោយនៃកុងត្រារបស់គេជាមួយក្រុម Spurs ហើយ។ ចប់រដូវកាលនេះ ប្រសិនបើគ្មានការលក់ដូរអ្វីទេ នោះរូបគេអាចចាកចេញដោយ Free Transfer ហើយ៕ប្រភព៖ Dailymail
