Ansu Fati បានបង្កើតប្រវត្តិសាស្ត្រថ្មី ក្លាយជាកីឡាករក្មេងជាងគេលំដាប់ទី២ បានចូលលេងឱ្យក្រុមធំ Barcelona ក្រោយពីបង្ហាញខ្លួនក្នុងការប្រកួតជាមួយក្រុម Real Betis និងឈ្នះ ៥-២។
ក្នុងថ្ងៃបង្ហាញខ្លួននេះ Ansu មានវ័យ១៦ឆ្នាំ២៩៨ថ្ងៃ ក្លាយជាកីឡាករក្មេងជាងគេទី២ក្នុងប្រវត្តិសាស្ត្រ។ ដោយកីឡាករក្មេងជាងគេបំផុតដែលបានបង្ហាញខ្លួននៅឈុតធំនោះគឺ Vicente Martinez បានចូលលេងនៅឆ្នាំ ១៩៤០ គ្រាដែលរូបគេមានវ័យ១៦ឆ្នាំ២៧៨ថ្ងៃ។ Ansu បង្ហាញខ្លួនប្រកួតដំបូងនេះ អ្នកគាំទ្រចាប់អារម្មណ៍ច្រើន ត្បិតអីបច្ចេកទេសមានខ្ពស់។
កីឡាករលេងនៅតំបន់ស្លាបខាងលើមានឈ្មោះពេញថា Anssumane Fati កើតនៅប្រទេសតូចមួយ ប៊ីសៅ-ហ្គីណេ ភាគខាងលិចតំបន់អាហ្វ្រិក។ រូបគេមានទេពកោសល្យតាំងពីតូចមក ហើយក្លឹប Real Madrid ក៏ទាក់ទងនាំយកគេដែរ ប៉ុន្តែចុងក្រោយគ្រួសាររបស់គេបានសម្រេចចិត្តឱ្យកូនមកលេងនៅ Barcelona វិញ៕ប្រភព៖ Euronews