តាមសារព័ត៌មាន Mundo Deportivo បានចុះផ្សាយថាបុរសវ័យ ៣៣ ឆ្នាំ Nacho Monreal ដែលក្លឹបយក្ស Arsenal បានទិញចេញពី Malaga នាឆ្នាំ ២០១៣ ថ្មីៗនេះបានឈានដល់កិច្ចព្រមព្រៀងផ្លាស់ទៅចូលរួមនៅ Real Sociedad ហើយ ដោយការប្រកាសផ្លូវការរំពឹងធ្វើទៅបាននៅប៉ុន្មានម៉ោងបន្ទាប់នេះ។
អតីតកីឡាកររបស់ Malaga រូបនេះ នៅសេសសល់កុងត្រាជាមួយក្លឹបត្រឹមរយៈពេល ១ ឆ្នាំគត់ ដោយឡែកចំពោះតម្លៃខ្លួនរបស់គេអាចថ្លៃប្រហែល ១៥ លានអឺរ៉ូ ប្រសិន Arsenal ព្រមព្រៀងលក់ឲ្យក្លឹប Sociedad។
រយៈពេល ៦ ឆ្នាំនៅ Emirate Stadium ខ្សែការពារឆ្វេងបង្ហាញខ្លួនបាន ២៥១ ប្រកួតឲ្យក្លឹប ដោយរកបាន ១០ គ្រាប់និង Assist ចំនួន ២០ លើក។ សម្រាប់រដូវកាលថ្មីរូបគេក៏បង្ហាញខ្លួនឲ្យក្លឹបបាន ៣ ប្រកួតផងដែរ ប៉ុន្តែ Tierney ដែលជាបេក្ខភាពថ្មីរំពឹងនឹងមកជំនួសតំណែងរបស់ Monreal ក្នុងពេលដ៏ខ្លីខាងមុខ។ ប្រភព៖ FoxSportAsia