អតីតអ្នកចាត់ការរបស់ក្លឹប FC Barceona និង Bayern Munich លោក Pep Guardiola បានបម្រើអាជីពជាអ្នកចាត់ការរបស់ Man City អស់រយៈពេល ៣ ឆ្នាំរួចមកហើយ ប៉ុន្តែពេលសើរើដល់អតីតកាលអំឡុងពេលជាកីឡាករបាល់ទាត់លោកបាននឹកឃើញដល់គ្រាលេងឲ្យក្លឹបថ្នាល Barcelona។
បុរសសញ្ជាតិអេស្ប៉ាញដែលដឹកនាំឲ្យ City ឈ្នះ PL ពីររដូវកាលជាប់គ្នា បាននិយាយថា៖ “ខ្ញុំនិយាយដោយស្មោះត្រង់ទៅ ពេលវេលាដ៏អស្ចារ្យបំផុតដែលខ្ញុំចងចាំគឺពេលលេងនៅថ្នាលយុវជននៅ Barcelona ហើយចាប់ផ្តើមហ្វឹកហាត់នៅឈុតធំ”។
លោកបានបន្តប្រាប់ Sky Sport Football ទៀតថា៖ “ហើយក្រោយពេល ១ ឬ ២,៣ ខែបន្ទាប់មក ខ្ញុំក៏ត្រៀមរួចរាល់ក្នុងការលេងឲ្យឈុតធំតែម្តង ពេលនោះហើយខ្ញុំភ្ញាក់ផ្អើលខ្លាំងបំផុត ដែលថានាមជាកីឡាករពេញជើងឲ្យក្លឹប FC Barcelona”។ ប្រភព៖ Soccerladuma