Ole Gunnar Solskjaer បានអះអាងថាអាជ្ញាកណ្ដាលកាត់សេចក្ដីយប់មិញ Paul Tierney មានកំហុសច្រើនដែលធ្វើឱ្យក្រុមបិសាចក្រហមបាត់បង់៣ពិន្ទុក្នុងសប្ដាហ៍ទី ៣នេះ ។ក្រុម Man Utd លេងនៅដីខ្លួនឯងយប់មិញ បានព្យាយាមវាយសម្រុកច្រើនដែរលើក្រុមភ្ញៀវ Crystal Palace ប៉ុន្តែជាចុងក្រោយនៅតែមិនអាចធ្វើបានសម្រេចគ្រាប់បាល់ដដែល។ ផ្ទុយទៅវិញត្រូវក្រុម Crystal នាំមុខ និងយកឈ្នះ២-១ ថែមទៀត។ ក្នុងការប្រកួតនោះដែរ ក្រុមបិសាចក្រហមបានបាល់ប៉េណាល់ទី១គ្រាប់ដែរ ប៉ុន្តែធ្វើមិនបានសម្រេចដោយ Rashford ។
លោក Ole ដែលជាអ្នកចាត់ការក្រុមបាននិយាយថា៖ “ខ្ញុំគិតថានេះមិនមែនជាការដឹកនាំប្រកួតល្អរបស់អាជ្ញាកណ្ដាលទេ។ ខ្ញុំភ្ញាក់ផ្អើលដែល VAR មិនអាចផ្លាស់ប្ដូរចិត្តគាត់បាន។ បាល់ Martial វាច្បាស់ណាស់ថាជាបាល់ប៉េណាល់ទី។ គាត់មិនដួលឡើយ ប្រសិនបើមិនមានទម្ងន់១០០គីឡូលើស្មាគាត់”៕
ប្រភព៖ DailyMail