ក្រុមបិសាចក្រហម Manchester United បានបរាជ័យក្រោមថ្វីជើងក្រុម Crystal Palace ក្នុងលទ្ធផល ២-១ នាការប្រកួតសប្ដាហ៍ទី៣លីគកំពូលអង់គ្លេស។សម្រាប់ការប្រកួតនេះដែរ ក្រុមភ្ញៀវ Crystal Palace ជាអ្នកនាំមុខមុន នៅនាទី៣២តង់ទី១ ហើយក្រុមបិសាចក្រហមក៏ទទួលបានបាល់ប៉េណាល់ទី១គ្រាប់នៅនាទី៧០វិញផងដែរ ប៉ុន្តែគួរឱ្យសោកស្ដាយ Rashford ដែលទទួលតំណែងនេះទាត់មិនចូលទៅវិញ។ តែទោះជាយ៉ាងនេះក្ដីនៅនាទី៨៩ កីឡាករវ័យក្មេង James ក៏រកបានគ្រាប់បាល់តាមស្មើវិញផងដែរ ដោយការទាត់កោងបញ្ចូលទីយ៉ាងស្អាត។ ការប្រកួតជិតនឹងចប់ទៅហើយ ក្រុម Crystal ក៏ថែមបាន១គ្រាប់ជ័យជម្នះវិញទៀតនៅនាទី៩០+៣។ ចប់ការប្រកួតបិសាចក្រហមរងបរាជ័យក្នុងសប្ដាហ៍ទី៣នេះ ក្រោមថ្វីជើង Crystal ២-១។
១គ្រាប់របស់ Rashford ស៊ុតមិនចូលនេះហើយ ក៏បានធ្វើឱ្យអ្នកគាំទ្រចាប់ផ្ដើមរិះគន់រូបគេដូចករណីរបស់ Pogba កាលពីសប្ដាហ៍កន្លងទៅដែរ។ ម្ចាស់អាវលេខ១០នេះ ជាអ្នកទទួលរាប់រងបាល់ប៉េណាល់ទី ប៉ុន្តែបែរជាធ្វើមិនបានសម្រេចក្នុងការប្រកួតសំខាន់ដូច្នេះទៅវិញ៕
ប្រភព៖ DailyMail