ក្រុម Real Madrid បានត្រឹមស្មើក្រុម Real Valladolid ក្នុងលទ្ធផល ១-១ ប៉ុណ្ណោះនាការប្រកួតលីគកំពូលអេស្ប៉ាញកាលពីយប់មិញនេះ។ម្ចាស់ផ្ទះ Real Madrid ត្រូវប្រើពេលដល់៨២នាទីទើបអាចរកគ្រាប់បាល់បាន១គ្រាប់ ធ្វើបានសម្រេចពីសំណាក់ខ្សែប្រយុទ្ធ Karim Benzema ។ តែនៅសល់ត្រឹម២នាទីចប់ការប្រកួត ក្រុមភ្ញៀវក៏រកគ្រាប់បាល់បាន១គ្រាប់តាមស្មើវិញពីសំណាក់ Sergi Guardiola ។ ដែលតាមលទ្ធផលនេះ ធ្វើឱ្យក្រុមទាំងពីរចែកគ្នាម្នាក់១ពិន្ទុ សម្រាប់ការប្រកួតសប្ដាហ៍ទី២នៃ La Liga ។
លោក Zidane អ្នកចាត់ការក្រុមបាននិយាយថានេះជាកំហុសបច្ចេកទេស ដែលសមាជិកក្រុមលោកទាំងមូលមិនបានគ្រប់គ្រងបាល់ឱ្យល្អនៅចុងម៉ោងបែបនេះ។ អ្នកចាត់ការបារាំងក៏បានបន្ដទៀតថាទម្រង់ការពាររបស់ក្រុមកំពុងមានបញ្ហានៅចុងម៉ោង ពោលគឺក្រោយពីក្រុមបាននាំមុខគូប្រកួតទៅហើយ បែរជាមិនអាចរក្សាស្ថានការណ៍បានទៅវិញ៕
ប្រភព៖ DailyMail