Ole Gunnar Solskjaer បានប្រាប់ទៅ Paul Pogba កុំឱ្យគិតច្រើនពីការរិះគន់ពេលស៊ុតប៉េណាល់ទីមិនចូលប្រកួតមុន ព្រោះវាគ្រាន់តែជាអតីតកាលប៉ុណ្ណោះ សំខាន់ត្រូវផ្ដោតលើការប្រកួតល្ងាចនេះ។
ក្រុមបិសាចក្រហម Manchester United នឹងត្រូវប្រកួតជាមួយក្រុម Crystal Palace នៅម៉ោង៩យប់នេះ ក្នុងសប្ដាហ៍ទី៣ លីគកំពូលអង់គ្លេស។ ក្នុងការប្រកួតនេះដែរ នៅទឹកដី Old Trafford ក្រុមរបស់លោកOle រំពឹងថានឹងស្វែងរកបាន៣ពិន្ទុបន្ថែម ត្បិតអីពួកគេកំពុងរៀបចំក្រុមបានយ៉ាងល្អទៅហើយ។
មុនការប្រកួតនេះចាប់ផ្ដើម លោក Ole ក៏បានប្រាប់ទៅ Pogba ឱ្យផ្ដោតលើការប្រកួតនេះជារឿងសំខាន់ផងដែរ។ ត្រូវបំភ្លេចចោលរឿងអតីតកាលដែលអ្នករិះគន់ចេះតែនិយាយតគ្នា ហើយត្រូវផ្ដោតលើការជួយក្រុមយក៣ពិន្ទុឱ្យបានពីក្រុម Crystal Palace ។ អ្នកចាត់ការដែលជាអតីតខ្សែប្រយុទ្ធ Man Utd បាននិយាយថា៖ “អ្នកមិនត្រូវទៅអានរឿងនេះទេ អ្នកមិនត្រូវតាមដានគ្រប់រឿងមិនល្អនេះឡើយ។ អ្នកត្រូវធ្វើឱ្យអ្នកគ្រប់គ្នាបានឃើញពីសមត្ថភាពរបស់អ្នក”៕ប្រភព៖ Dailymail