ក្រុម Arsenal នឹងត្រូវតតាំងជាមួយក្រុម Liverpool ក្នុងសប្ដាហ៍ទី៣លីគកំពូលអង់គ្លេស នៅម៉ោង១១:៣០នាទីយប់នេះ។
មុនការប្រកួតនេះចាប់ផ្ដើម កីឡាករ Aubameyang ដែលជាខ្សែប្រយុទ្ធស្នូលរបស់ក្រុម Arsenal បាននិយាយថាពួកគេត្រៀមខ្លួនរួចជាស្រេចសម្រាប់ការប្រកួតធំមួយនេះ។ និយាយពីតំបន់ប្រយុទ្ធកាំភ្លើងធំក៏មានសមត្ថភាពគ្រប់ បើធៀបកីឡាករ៣នាក់ខាងលើ Aubameyang , Lacazette និង Nicolas Pepe ក៏មានសមត្ថភាពស្រដៀងទៅនឹងកីឡាករតំបន់ប្រយុទ្ធទាំងពីររបស់ហង្សក្រហមដូចគ្នា។
“ខ្ញុំមើលឃើញភាពស្រដៀងគ្នាច្រើន Pepe និងខ្ញុំ យើងលេងបាល់លឿនដូច Mane និង Salah ដែរ។ ខណៈដែល Laca ជាកីឡាករដែលលេងទប់បាល់បានល្អ ជាមួយជើងរបស់គេដូចទៅនឹង Firmino ។ ដូច្នេះយើងអាចនិយាយបានថាយើងក៏មានសមត្ថភាពដូចគេដែរ”។ សម្ដី Aubameyang៕ប្រភព៖ Dailymail
