Cristiano Ronaldo បានសរសើរដល់ Lionel Messi ថាកីឡាករអាហ្សង់ទីនរូបនេះក៏ជាចំណែកមួយដែលបានជួយឲ្យខ្លួនក្លាយខ្លួនជាកីឡាករដ៏ល្អមួយរូប និងលោកពិតជាមានបំណងចង់បរិភោគអាហារពេលល្ងាចរួមគ្នាក្នុងថ្ងៃខាងមុខ។
នាកិច្ចសម្ភាសន៍ជាមួយ TVI តារាឆ្នើមសញ្ជាតិព័រទុយហ្គាល់និយាយថា៖ “ខ្ញុំពិតជាគោរពដល់អាជីពដែល Messi សម្រេចកន្លងមក ដោយគាត់ក៏ធ្លាប់បាននិយាយថាជួបបញ្ហាខ្លះពេលខ្ញុំចាកចេញពីអេស្ប៉ាញ ព្រោះគាត់ពេញចិត្តនឹងការប្រកួតប្រជែងជាមួយខ្ញុំ”។
លោកបន្ត៖ “វាជាការតតាំងដ៏ល្អមួយក្នុងវិស័យបាល់ទាត់ មិនខុសពី Michael Jordan មានគូប្រជែងក្នុងវិស័យកីឡាបាល់បោះ ស្របពេល Ayrton Senna និង Alain Prost ជាគូប្រជែងដ៏ល្អក្នុងការប្រណាំងរថយន្ត Formula 1 ពោលគឺ Messi បានធ្វើឲ្យខ្ញុំជាកីឡាករកាន់តែប្រសើរមួយរូប”។
បង្វែរដល់ការណាត់ជួបគ្នា កីឡាករវ័យ ៣៤ ឆ្នាំសង្កត់ធ្ងន់៖ “ខ្ញុំក៏មានទំនាក់ទំនងដ៏ល្អបំផុតរវាង Messi ព្រោះយើងបានចែករំលែកពេលវេលាប្រហាក់ប្រហែលគ្នាអស់ ១៥ ឆ្នាំ ដោយខ្ញុំធ្លាប់សូម្បីម្តងសម្រាប់ការបរិភោគអាហារពេលល្ងាចជាមួយគាត់ ចុះទៅថ្ងៃមុខហេតុអ្វីថាមិនអាចនោះ ខ្ញុំគ្មានបញ្ហាអ្វីទេសម្រាប់ការណាត់ជួប”។ ប្រភព៖ AF