Roma បានទទួលការពង្រឹងបន្ថែមនៅប្រព័ន្ធការពារក្រោយតាមរយៈការនាំចូលកីឡាករថ្មី Davide Zappacosta របស់ក្លឹប Chelsea ក្នុងលក្ខខណ្ឌខ្ចីជើងរយៈពេល ៦ ខែ។
Roma បានបញ្ជាក់ដំណឹងច្បាស់ការមួយនេះ ថា Zappacosta នឹងរួមរស់បណ្តោះអាសន្ននៅទឹកដី Stadio Olimpico រហូតដល់ចុងបញ្ចប់រដូវកាល ខណៈកុងត្រាសេសសល់របស់គេជាមួយ Stamford Bridge មានដល់ខែមិថុនា ឆ្នាំ ២០២២។
ប្រាប់គេហទំព័រផ្លូវការរបស់ក្លឹបអ៊ីតាលី ខ្សែការពារ Zppacosta និយាយថា៖ “ខ្ញុំពិតជារីករាយក្នុងការមកចូលរួមនៅ Roma ក្រោយប្រមូលបានបទពិសោធន៍ជាច្រើននៅក្រៅស្រុកក្នុងនាមជាកីឡាករនិងបុគ្គលមួយរូប”។
លោកបន្ត៖ “ការដែលអាចលេងឲ្យក្លឹបដ៏អស្ចារ្យបែបនេះ វាជាការបំផុសដ៏ធំធេងមួយ ហើយខ្ញុំពិតជាមិនអាចរង់ចាំការចូលរួមហ្វឹកហាត់ជាមួយមិត្តរួមក្រុមថ្មីបានឡើយ”។ ប្រភព៖ BeSoccer