ក្លឹប Tottenham Hotspur ត្រូវបានរាយការណ៍ថាបានបដិសេធសំណើនៃការដោះដូររវាង Christian Eriksen និងតារាឆ្នើម Paulo Dybala របស់ Juventus ហើយ។
ត្បិតទីផ្សារដោះដូរបានបិទតាំងពីថ្ងៃទី ៨ សីហា ប៉ុន្តែប្រសិន Dybala ព្រមព្រៀងនោះក៏អាចកក់ទុកដើម្បីបញ្ចប់កិច្ចព្រមព្រៀងនៅរដូវរងា តែមាន់ខ្នាយមាសហាក់បិទផ្លូវមិនឲ្យសំណើនេះសម្រេចទៅបានតែម្តង។
នៅថ្ងៃបិទទីផ្សារដោះដូរកន្លងទៅក្លឹបបែរជានាំយក Giovani Lo Celso របស់ក្លឹប Real Betis ជំនួសវិញ។ បញ្ជាក់ថាសម្រាប់ Eriksen មិនត្រឹមតែ Juventus មួយនោះទេ ទៀតសោតទាំងក្លឹប Barcelona និង Real Madrid ក៏ចាប់អារម្មណ៍កីឡាករដាណឺម៉ាករូបនេះដែរ។
លម្អិតបន្ថែមទៀតថាកុងត្រារបស់ Eriksen គឺនឹងត្រូវបញ្ចប់ត្រឹមថ្ងៃទី ១ មករាខាងមុខហើយ ដោយរូបគេនឹងក្លាយជាកីឡាករឥតតម្លៃខ្លួនប្រសិនក្លឹបមិនអាចបញ្ចុះបញ្ចូលលើការបន្តកុងត្រាថ្មីបាន។ ប្រភព៖ Sportsmole