ក្រោយចាកចេញពីក្លឹប Bayern Munich តារាឆ្នើម Franck Ribery ហាក់មិនទាន់បញ្ចប់ត្រឹមប៉ុណ្ណេះទេ ត្បិតលោកមានវ័យ ៣៦ ឆ្នាំក៏ដោយ ក៏លោកនៅតែស្វែងរកបានទ្រនំថ្មីនៃក្លឹបអ៊ីតាលីគឺ Fiorentina។
ការចាកចេញរបស់ Ribery នាចុងរដូវកាល ២០១៨/១៩ ដំបូងឡើយលោកជាប់ចចាមអារ៉ាមថាគ្រោងផ្លាស់ទៅចិន អារ៉ាប៊ីសាអ៊ូឌីត និងកាតា តែស្រាប់ថ្ងៃនេះក៏លេចមុខវីរបុរស Bayern ទើបតែហោះមកដល់ក្លឹប Fiorentina ជាផ្លូវការ។
បញ្ជាក់ថា Ribery បានចំណាយពេលចំនួន ១២ រដូវកាលជាមួយក្លឹប Bayern ដោយរកបន ១២៤ គ្រាប់ក្នុងការបង្ហាញខ្លួនសរុបចំនួន ៤២៥ ប្រកួត។ សម្រាប់ក្លឹប Fiorentina នឹងត្រូវតតាំង Napoli នាថ្ងៃអាទិត្យនេះ អ៊ីចឹងយើងចាំមើលតើលោកអាចបង្ហាញខ្លួនជាលើកដំបូងឬយ៉ាងណា? ប្រភព៖ OneFootball