ខ្សែប្រយុទ្ធ Franck Ribery បានសម្រេចចិត្តបន្ដអាជីពកីឡាបាល់ទាត់២ឆ្នាំទៀត ដោយចូលរួមជាមួយក្រុម Fiorentina ក្នុងតម្លៃខ្លួន៣,៦លានផោន កុងត្រា២ឆ្នាំនេះ។
Ribery បានចាកចេញពីក្រុម Bayern Munich កាលពីចប់រដូវកាលមុន ក្រោយពីអស់កុងត្រា និងចំណាយពេល១២ឆ្នាំនៅលីគកំពូលអាល្លឺម៉ង់។ គ្រាចាកចេញនោះ មានប្រភពជាច្រើនបានអះអាងថាកីឡាករវ័យ៣៦ឆ្នាំនេះអាចនឹងព្យួរស្បែកជើងត្រឹមនេះហើយ។ យ៉ាងណាមិញ បើតាមការអះអាងរបស់ប្រភពនៅអ៊ីតាលីវិញពេលនេះ កីឡាករបារាំងបានកំពុងពិនិត្យសុខភាពជាមួយក្រុម Fiorentina ទៅហើយ។ សម្រាប់ការមកលេងនៅអ៊ីតាលីនេះ លោកនឹងទទួលបានប្រាក់៣,៦លានផោនពីក្លឹបនេះ អមជាមួយកុងត្រា២ឆ្នាំ។
ក្លឹបរំពឹងថាការចំណាយប្រាក់យក Legend នៅអាល្លឺម៉ង់មករួមក្រុមនេះ នឹងធ្វើឱ្យពួកគេរួចផុតពីតំណែងក្បែរបាតតារាង។ រដូវកាលមុន ពួកគេបានបញ្ចប់ក្នុងចំណាត់ថ្នាក់១៦ ហើយរដូវកាលនេះវិញ រំពឹងថានឹងបានលើសនេះបន្តិច៕ប្រភព៖ Dailymail