សំណើ​ខ្ចី​ជើង Neymar ​ដំបូង​របស់ Barcelona ​ត្រូវ​ច្រាន​ចោល​ហើយ​

ក្រុម Barcelona ​បាន​ដាក់​សំណើ​ដំបូង​ដើម្បី​ខ្ចី​ជើង Neymar ​ពី​ក្រុម PSG ​១​រដូវ​កាល​សិន ​មុន​ពេល​ទិញ​យក​ដាច់​តែ​ម្ដង​នៅ​រដូវ​កាល​ក្រោយ។

សំណើ​ខាង​លើ ត្រូវ​បាន​ក្លឹប PSG ​ច្រាន​ចោល​ទៅ​ហើយ​។ ការ​ច្រាន​ចោល​នេះ គឺ​ដោយសារ​តែ​សំណើ​ខ្ចី​ជើង ​បូក​រួម​ជាមួយ​ការ​ទិញ​ដាច់​ក្រោយ​ចប់​ការ​ខ្ចី​ជើង ​មាន​តម្លៃ​ត្រឹម​តែ​១៥០​លាន​អឺរ៉ូ​ប៉ុណ្ណោះ។ ដោយ​ឡែក​ខាង PSG ​វិញ ​ពួកគេ​ត្រូវ​ការ​ដល់​២៥០​លាន​អឺរ៉ូ ​ហើយ​ត្រូវ​ធានា​១០០%​ថា ​ក្រុម Barcelona ​នឹង​យក Neymar ​បើ​ទោះ​ជា​មាន​អ្វី​កើត​ឡើង​ក៏​ដោយ ​ក្រោយ​ចប់​រដូវ​កាល​នេះ។

កត្ដា​នេះ​ហើយ ទើប​ធ្វើ​ឱ្យ​ការ​ដាក់​ស្នើ​ខ្ចី​ជើង​លើក​ដំបូង​របស់ Barcelona ​មិន​បាន​សម្រេច​ឡើយ។ ក្លឹប​ទាំង​ពីរ​នឹង​បន្ដ​ការ​ចរចា​គ្នា​ទៀត​ប៉ុន្មាន​ថ្ងៃ​ខាង​មុខ ដើម្បី​រក​ដំណោះស្រាយ​សមស្រប។ មាន​ក្លឹប​២​ទៀត​កំពុង​ចាំ​មើល​លទ្ធផល​នៃ​ការ​ចរចា​ខាង​លើ​គឺ Real Madrid ​និង Juventus ។ ក្លឹប​២​នេះ ក៏​មាន​ចិត្ត​ចង់​បាន Neymar ​ដែរ ប៉ុន្តែ​ពួកគេ​នៅ​ទៅ​តាម​ក្រោយ ​ប្រសិន​បើ​ក្រុម​អ្នក​មាន​បុណ្យ​មិន​អាច​ទិញ​បាន៕ប្រភព៖ MACAR

 

ភ្ជាប់ទំនាក់ទំនងជាមួយ CTS SPORT