Pogba រងការរិះគន់ខ្លាំង ក្រោយពីរូបគេទាត់ប៉េណាល់ទីមិនចូល ធ្វើឱ្យក្រុម Manchester United បានត្រឹមស្មើក្រុម Wolves ក្នុងលទ្ធផល ១-១ នាការប្រកួតលីគកំពូលអង់គ្លេសសប្ដាហ៍ទី២។
ក្រោយពីឃើញមិត្តរួមក្រុមរងការរិះគន់ខ្លាំងនេះហើយ បានធ្វើឱ្យ Rashford ចេញមុខមកការពារតែម្ដង។ ខ្សែប្រយុទ្ធវ័យក្មេងនេះ បាននិយាយថាកីឡាករទាំងអស់សុទ្ធតែធ្លាប់ប៉េណាល់ទីមិនចូល ហើយវាមិនមែនជារឿងធំឡើយ សម្រាប់ការខកខាននេះ។ Pogba ជាសមាជិកគ្រួសារ Manchester United ដូច្នេះប្រសិនបើអ្នករិះគន់គេ នោះក៏ដូចរិះគន់ក្រុម Man Utd ទាំងមូលផងដែរ។
លោក Ole ដែលជាអ្នកចាត់ការក្រុមបិសាចក្រហមក៏មិនបានដាក់បន្ទុកអ្វីទៅ Pogba ដែរ។ លោកអះអាងថាទាំង Pogba និង Rashford សុទ្ធតែជាបេក្ខភាពទាត់បាល់ប៉េណាល់ទីទាំងពីរ ដូច្នេះនរណាទាត់ក៏បានដែរ។ រឿងចូលឬមិនចូល នោះជារឿងសំណាង មិនអាចបន្ទោសនរណាបានឡើយ៕ប្រភព៖ DailyMail