សហព័ន្ធបាល់ទាត់អន្តរជាតិ FIFA បានផ្ញើលិខិតទៅសហព័ន្ធបាល់ទាត់អ៊ីរ៉ាក់ ថាពួកគេអាចធ្វើជាម្ចាស់ផ្ទះវគ្គជម្រុះ FIFA World Cup នាពេលខាងមុខនេះបាន។
ក្នុងលិខិតរបស់ FIFA នោះ បានបញ្ជាក់ថាអ៊ីរ៉ាក់អាចធ្វើជាម្ចាស់ផ្ទះប្រកួតកីឡាបាល់ទាត់បានវិញហើយ ក្រោយពីបានវាយតម្លៃពីស្ថានភាពក្នុងប្រទេសរួចមក។ តែទោះជាយ៉ាងនេះក្ដី អ៊ីរ៉ាក់ត្រូវធានាឱ្យបានពីសុវត្ថិភាពចាប់ពីពេលនេះរហូតដល់ការប្រកួតចាប់ផ្ដើម។ ប្រសិនបើមានការអសន្តិសុខណាមួយកើតឡើង នោះការសម្រេចចិត្តក៏នឹងប្រែប្រួលតាមនោះដែរ។
រំលឹកថាជម្រុះ World Cup 2022 អ៊ីរ៉ាក់ស្ថិតនៅពូល C ជាមួយ អ៊ីរ៉ង់ បារ៉ែន ហុងកុង និងកម្ពុជា។ ខណៈដែលការប្រកួតនឹងចាប់ផ្ដើមនៅខែក្រោយនេះហើយ៕ប្រភព៖ Xinhuanet
