កីឡាករចំណូលថ្មីរបស់ក្លឹប Arsenal គឺ Nicolas Pepe ហាក់ពេញចិត្តនិងរីករាយជាខ្លាំងក្រោមការដឹកនាំរបស់លោក Unai Emery សម្រាប់រដូវកាលដំបូងនៅទ្រនំថ្មីនៃទឹកដី Emirate Stadium។
បុរសវ័យ ២៤ ឆ្នាំដែលត្រូវបាន Arsenal ជះលុយធំនាំយកកាលពីរដូវក្តៅបញ្ជាក់ប្រាប់ថា៖ “វាពិតជារឿងល្អព្រោះលោក Emery គាត់និយាយបារាំងហើយកាន់តែងាយសម្រាប់ខ្ញុំក្នុងការធ្វើប្រាស្រ័យទាក់ទង”។
អតីតកីឡាករនៅ Lyon បន្ថែម៖ “ខ្ញុំជាកីឡាករថ្មី បែបនេះទាំងតិចនិកនិងយុទ្ធសាស្រ្តគឺថ្មីដូចគ្នា ដោយពេលនេះខ្ញុំត្រូវសិក្សាភាសាអង់គ្លេស ហើយវាក៏ជាអ្វីដែលគាត់បានជួយខ្ញុំបន្ថែមទៀតផងដែរ ដោយកាលដែលខ្ញុំជ្រើសមកទីនេះក៏ដោយសារនេះជាក្លឹបដែលពោរពេញទៅដោយមហិច្ឆតា ពោលគឺពួកគេក៏មានក្តីស្រមៃចង់វិលត្រលប់ទៅ Champions League”។
កីឡាករបារាំងបញ្ចប់៖ “ខ្ញុំក៏មានក្តីស្រមៃចង់ឈ្នះ Europa League ដែលវាសុទ្ធសឹងជាគោលដៅរួមតែមួយជាមួយនឹងក្លឹប ដោយឡែកសម្រាប់ការលេងនៅ Premier League ខ្ញុំគិតថានេះជាលីគដ៏ល្អដាច់គេក្នុងលោក”។ ប្រភព៖ AF