នៅកិច្ចសម្ភាសន៍ជាមួយ TVI តារាឆ្នើម Cristiano Ronaldo បានបង្ហើបនូវពាក្យសម្តីទូន្មានដ៏មានន័យបំផុត ដែលលោកបានប្រាប់ទៅកាន់កូនៗរបស់លោក។
បុរសវ័យ ៣៤ ឆ្នាំបាននាំយកកូនប្រុសច្បងរបស់លោកមកទីក្រុង Lisbon ប្រទេសព័រទុយហ្គាល់ពីទីកន្លែងដែលលោកធ្លាប់បានរួមរស់យ៉ាងលំបាកកាលពីកុមារភាព។ Ronaldo បាននិយាយថា៖ “ពេលដែលគេឃើញទីកន្លែងនោះ គេមិនអាចជឿទេថាខ្ញុំធ្លាប់បានរស់នៅទីនេះ”។
លោកបន្ត៖ “ខ្ញុំប្រាប់គេថាគ្មានអ្វីដែលងាយនឹងយកទេ កុំថាឡើយផ្ទះ ឡាន និងរបស់ជាច្រើនទៀត ហើយដើម្បីក្លាយជាកីឡាករបាល់ទាត់ដ៏ល្អមួយរូប អ្នកមិនអាចគិតថាគ្រប់យ៉ាងអាចធ្លាក់ពីលើមេឃមកទេ”។
ត្រង់អត្ថន័យដែល CR7 បានបញ្ចប់៖ “ទេពកោសល្យពុំបានជួយឲ្យកូនជោគជ័យទេ ដរាបណាកូនត្រូវខិតខំប្រឹងប្រែងខ្លាំង ដោយទាំងនេះហើយជាអ្វីដែលខ្ញុំព្យាយាមចង់ឲ្យគេបានដឹង”។ ប្រភព៖ AF