ថ្មីៗនេះក្លឹប Juventus ទើបតែបានបង្ហាញខ្លួនកីឡាករចំណូលថ្មី Merih Demiral ជាផ្លូវការ បន្ទាប់ពីបានទិញយកពី Sassuolo នៅតម្លៃខ្លួនប្រមាណ ១៨ លានអឺរ៉ូកាលពីខែមុន។
ខ្សែការពារកណ្តាលរូបនេះបានបង្ហើបថាខ្លួនមានបំណងចង់រៀនសូត្រតាម idol របស់ខ្លួន ដែលឈរជើងនៅសេះបង្កង់ស្រាប់នោះគឺ Giorgio Chiellini ផ្ទាល់តែម្តង។
បុរសវ័យ ២១ ឆ្នាំបានប្រាប់ថា៖ “ខ្ញុំសង្ឃឹមថាអាចបង្ហាញឲ្យអ្នកគាំទ្រឃើញថាខ្ញុំជាខ្សែការពារដ៏រឹងមាំ ហើយ idol ពិតប្រាកដរបស់ខ្ញុំគឺជាកីឡាករដែលខ្ញុំកំពុងលេងជាមួយនោះគឺ Chiellini”។
រូបគេបន្ត៖ “ទាំង Chiellini និង Bonucci នឹងបានជួយខ្ញុំច្រើននៅទីនេះ មិនខុសពីកីឡាករដទៃទៀត បែបនេះខ្ញុំសង្ឃឹមថាអាចរៀនសូត្រពីពួកគាត់”។ ប្រភព៖ BeSoccer