Cristiano Ronaldo បានចោទសួរជាចម្ងល់ថាតើកីឡាករមានតម្លៃខ្លួនទាំងរយលាននៅពេលបច្ចុប្បន្ននេះ តើសក្តិសមទៅនឹងអ្វីដែលពួកគេបានសម្រេចដែរឬទេ។ ការមើលឃើញពីស្ថានភាពទីផ្សារដោះដូរនៅពេលបច្ចុប្បន្ន ហាក់ធ្វើឲ្យ CR7 មានការមិនពេញចិត្ត តែបែបណាមិញក៏នៅតែទទួលយកដោយក្តីគោរព។
Ronaldo ដែលបំបែកកំណត់ត្រាតម្លៃខ្លួននៅឆ្នាំ ២០០៩ តាមរយៈការចាកចេញពី Man Utd មក Real Madrid ជាមួយថ្លៃខ្លួន ៩៤ លានអឺរ៉ូ និងឡើងបាន ១០០ លានអឺរ៉ូពេលទៅចូលរួមនៅ Juventus បានប្រាប់ TV1 ថា៖ “វាពិតជាលំបាកក្នុងការគណនាតម្លៃខ្លួននាបាល់ទាត់សម័យទំនើប”។
លោកបន្ត៖ “ដករឿង Joao Felix ចេញទៅផ្នែកមួយ ដោយកីឡាករគ្រប់រូបទាំងអស់អាចមានតម្លៃខ្លួន ១០០ លានអឺរ៉ូ ដោយពុំចាំបាច់បង្ហាញអ្វីទាំងអស់ ទាំងខ្សែការពារកណ្តាលនិងអ្នកចាំទីអាចបានតម្លៃខ្លួនដល់ ៧០ ទៅ ៨០ លានអឺរ៉ូ”។
លោកសង្កត់ធ្ងន់៖ “ខ្ញុំមិនយល់ស្របលើរឿងនេះទេ តែនេះវាជាពិភពដែលយើងកំពុងរស់នៅជាមួយ បែបនេះអ្នកត្រូវតែគោរព”។ ប្រភព៖ Marca